Languages

  • Награда Global Swede за Тина Раниќ >
21/05/2014

Global Swede е соработка помеѓу шведското Министерство за надворешни работи и шведскиот институт. На долгорочен план, избраните студенти може да служат како амбасадори меѓу Шведска и нивната матична земја, така што ќе обезбедат нови мостови во бизнис секторот.

„Овие меѓународни студенти се од клучно значење за нас. Освен што даваат придонес со уникатно знаење во областите на образованието и истражувањето, тие, исто така, претставуваат важен ресурс на долг рок за изградба на мостови меѓу Шведска и остатокот од светот“ - изјави шведскиот министерот за трговија Ева Бјорлинг. 
 

На Тина Раниќ, заедно со други 20 студенти при шведските универзитети, ѝ беше доделена наградата Global Swede, како потврда за завидниот успех и достигнувања во областа на иновациите и претприемништвото.

Тина Раниќ, студент на ФИНКИ, моментално ја следи третата студиска година (преку Еразмус Мундус), при универзитетот Малардален (MDH), Шведска.

Одличниот академски успех и талент, социјалните вештини и силната посветеност кон нејзините соученици, кои Тина ги покажа за време на престојот, беа дел од причините што универзитетот ја избра токму неа како добитник на Global Swede.

„Навистина е голема чест што ја носам наградата Global Swede, која сметам дека е значајна можност за зајакнување на врските помеѓу Македонија и Шведска, како на академски, така и на деловен план. Засега, во рамките на оваа награда, ќе се стремам кон подобрување на соработката меѓу Факултетот за информатички науки и компјутерско инженерство при Универзитетот Св. Кирил и Методиј и MDH“ - вели Тина Раниќ. 
 
/> </div> </body></html>