Едукативниот центар на Пивара Скопје оваа година одбележува тридецениски јубилеј со постигнати значајни резултати во сферата на неформалното образование и стекнувањето на вештини кај младите луѓе, кои се неопходни и применливи на пазарот на труд во нашата земја. Само во изминатите десет години, беа поддржани над 10.000 млади луѓе во развојот на нивните лични и професионални вештини, придонесувајќи кон нивен кариерен и претприемачки развој.

Продолжувајќи ја оваа успешна работа, Едукативниот центар ја реализира новата фаза на „Youth Empowered - Пивара Скопје Академија за млади“ како современа платформа за учење, која преку интерактивни обуки и вебинари, менторство и практични алатки овозможува стекнување на клучни вештини за личен и професионален развој.

По успешниот почеток на новиот циклус, со задоволство ве покануваме да бидете дел од следната обука од „Youth Empowered“ Академијата, посветена на една од најважните вештини за успех денес 

„Ефективна комуникација и презентациски вештини“

30 април (четврток)
14:00 часот
ФИНКИ / Амфитеатар

Оваа обука ќе ви помогне да:

 ● ги изразите своите мисли јасно, структуирано и убедливо
 ● настапите со поголема самодоверба пред публика
 ● креирате презентации што привлекуваат внимание и се паметат
 ● ја надминете тремата и се снајдете во реални комуникациски ситуации

Обуката вклучува практични вежби, мини-презентации и интерактивна работа, преку кои ќе стекнете искуство што веднаш можете да го примените - на факултет, на интервју или во професионална средина.

Учеството на обуката е бесплатно, а бројот на места е ограничен.

Доколку сте заинтересирани за учество, ве молиме пријавете се на следниот линк:
https://forms.gle/5BA9vqawegkQ2CKHA

Се гледаме на обуката!

Со почит,
Тимот на Youth Empowered - Пивара Скопје Академија за млади