Елена Атанасоска е родена 2001 година во Скопје. Основно образование и средно гиманзиско образование завршила со континуиран одличен успех во Скопје.
Во 2020 година се запишува на додипломски студии на насоката Software engineering and information systems на Факултетот за информатички науки и компјутерско инженерство – Скопје. Дипломира во септември 2024 година со дипломски труд на тема „Design and Implementation of a Scheduling System for Academic Processes Optimization at FCSE“.
Од март 2023 година започнува со работа како лаборант-тутор на ФИНКИ. Ангажманот го продолжува и во следната академска година. Постојано работи на одржување и подобрување на студентските сервиси во рамките на факултетот. Паралелно со студиите, работи во индустријата како софтверски инженер.
Во учебната година 2024/2025 се запишува на постдипломски студии на Факултетот за информатички науки и компјутерско инженерство, на студиската програма Data science in computer science and engineering. Во октомври 2024 година е избрана за демонстратор и изведува аудиториски и лабораториски вежби по предметите: Веб програмирање, Дизајн и архитектура на софтвер и Електронска и мобилна трговија.
Научни полиња од интерес ѝ се: веб програмирање, софтверско инженерство, развој на мобилни апликации, наука за податоци, машинско учење.
