11/01/2014
Објавен е конкурс за запишување на нови студенти на магистерски студии во втор уписен рок во учебната 2013/2014 година. Повеќе детали за Конкурсот можете да добиете на овој линк или во текстот што следува.
Право на конкурирање
Право на конкурирање имаат кандидати што ги исполнуваат следниве општи услови: да завршиле прв циклус студии на соодветни или сродни студии и кои исполнуваат други услови предвидени со студиските програми за организирање втор циклус студии на соодветниот факултет, односно научен институт.
Документи за пријавување
Пред пријавувањето во роковите утврдени со Конкурсот, секој заинтересиран кандидат треба да се регистрира на www.upisi.ukim.edu.mk и да ја пополни електронската пријава. Бројот којшто кандидатот автоматски го добил од системот за електронското пријавување треба да се внесе и во пријавниот лист што се поднесува при пријавувањето за запишување.
Пријавувањето се врши на соодветниот факултет односно научен институт.
Со пријавата кандидатите поднесуваат:
- пријавен лист за запишување;
- електронска пријава (од www.upisi.ukim.edu.mk);
- диплома за завршен прв циклус студии;
- куса биографија (CV);
- потврда за знаење странски јазик;
- препораки од наставни или научни работници (доколку има такви);
- список на стручни или научни трудови и примерок од нив (доколку кандидатите имаат);
- документи за евентуални награди, признанија и други документи.
Рокови за пријавување и запишување
Пријавување на кандидатите 8-20 јануари 2014
Запишување на кандидатите 27-28 јануари 2014
Повеќе информации за студиите можете да добиете на magisterski@finki.ukim.mk
Квотите можете да ги погледнете во табелата прикажана во официјалната вест за уписи на нови студенти на магистерски студии.