13/08/2013
Во согласност со Конкурсот за запишување студенти на прв циклус студии на студиските програми на Универзитетот „Св. Кирил и Методиј“ во учебната 2013/14 година, пријавувањето на кандидатите за првиот уписен рок на Факултетот за информатички науки и компјутерско инженерство ќе се одржи на 15 и 16 август 2013 година.
Согласно правилата на Универзитетот сите кандидати за запишување на факултетите мора да се регистрираат на системот за електронско спроведување на уписи на УКИМ. Кандидатите можат да се регистрираат на iKnow системот за уписи со кликнување на овој линк. Упатство како да се регистрирате и како да ја пополните електронската пријава на iKnow системот е прикажано на ова видео. На овој систем ќе бидат објавени ранг листите после уписите и преку него ќе може да ги следите информациите за процесот на запишување.
Упатство за тоа како да се регистрирате на iKnow системот можете да најдете на следниот инфографик. За поделтален опис, погледнете го видеото прикажано подолу.
Потребни документи за упис на нови студенти на ФИНКИ во акдемската 2013/2014 година можете да најдете на Порталот за нови студенти.
На Join, порталот за идни студенти на ФИНКИ, Факултетот ќе објавува документи поврзани со уписите.
Join порталот е портал од информативен карактер и не претставува замена за системот за електронско спроведување на уписи.
Сите детали за уписот на додипломски студии можете да ги погледнете во делот Уписи - Додипломски студии.