Здружението ЕТАИ (Електроника Телекомуникации, Автоматика, Информатика) доделува ЕТАИ студентски награди за најдобар дипломски труд од горе наведените области за студентите на ФИНКИ кои дипломирале во 2015 година.

Наградата е парична и изнесува 10.000,00 денари. Критериумите кои ќе бидат земени во вид од страна на трочлена Комисија согласно која ќе бидат избрани најдобрите трудови се следните:

• Практична реализација на дипломскиот труд.
• Оригиналност/Иновативност на дипломскиот труд.
• Квалитет на текстуалната презентација на дипломскиот труд.
• Дипломскиот труд или негов дел е објавен како инженерски труд на национална или меѓународна конференција.

Потребни документи за апликација:

• Пријава за награда за најдобар инженерски труд од областа на Информатика (може да ја најдете тука).
• Краток опис на дипломскиот труд (до 500 зборови)
• Дипломскиот труд во електронска форма (.pdf)
• Биографија на кандидатот
• Уверение за дипломиран инженер.
• Дополнителни материјали кои ќе послужат за појаснување на дипломскиот труд (видео материјали, фотографии, линкови и сл.)

Право на пријавување на конкурсот имаат сите студенти кои дипломирале со просечна оцена поголема од 8.00. 

Рокот за пријавување е до 11ти март, а апликациите се праќаат на arhiva@finki.ukim.mk со наслов [ЕТАИ награди за дипломски труд].